暑假到左尾聲，哩個暑假芊嶠都真係過得好充實，上次係 Ludus Club 上左兩星期Summer Day Camp，為左捉住暑假的尾巴，芊嶠又去左Ludus Club到上多兩星期既Summer Day Camp！不過今次唔同左！
芊嶠今次上，頭幾日都扭扭地，一入門口就喊，兩日都要老師抱佢入去，之後幾次好彩有d哥哥姐姐拖住佢入去，咁佢先冇喊。而且媽媽每日都會放定一包飲品係書包比佢，佢每日放學都會好開心咁拎住出來。
另外既係，上次上完兩星期後戒左片，今次當然都係冇著片上堂，係有日整濕左件衫，媽媽又冇擺衫，老師比校服芊嶠著，又幾岩身同靚，媽媽都忍唔住幫佢影返幾張沙龍。仲記得有一朝芊嶠要去跳芭蕾舞，之後就要趕搭車返學，有車來先話要去廁所，我地就幫佢著左片，叫佢柯住落片片先，點知返到學校樓下，我問佢有冇柯到，佢話冇，仲話好急，即刻帶佢跑上學校去，老師都話戒左唔肯柯係片片係正常，芊嶠既忍耐力真係超出我想像！
嶠媽真係好想多謝Ludus既老師們，因為你地真係好比心機教芊嶠，又好錫佢，佢扭計喊你地又好用心哄佢，唔會只係叫佢唔好喊。不過芊嶠有得玩，其實好快就媽媽都唔記得。老師話芊嶠講野好清楚好叻，媽媽都覺得佢好多野講。仲有個搞笑位係有一日佢地玩爬隧道，芊嶠係咁叫老師爬，老師話爬唔到，佢就話你得架，你爬到架，聽到老師講我真係笑到肚痛，睇得出芊嶠真係好開心！
好快一年就會過，下年我一定會再帶芊嶠返來玩，希望你地到時都仲會記得芊嶠啦！今年miss左冇幫小朋我報Ludus Summer Day Camp既朋友，下年記住幫小朋友報來玩，係一個好好既暑期活動。下年芊嶠都會讀K1喇，希望下個暑假玩得盡興，9月開開心心上學去。
#LudusClub #LudusKindergarten #SummerDayCamp #蒙特梭利 #Montessori #九龍城沙浦道 #芊嶠成長日記
Search